بريوش الوردة بالكريم باتيسيير وشكلاط الدهن

السلام عليكم موقع ماماتي عالم المرأة المغربية والعربية بامتياز
يقترح عليكم بريوش الوردة بالكريم باتيسيير وشكلاط الدهن

للأخت نجاة الله ايجازيها بالخير

نحتاج:

500 غرام طحين

بيضة

2 معالق كبار زبدة -

2 معالق كبارسنيدة

نصف كاس حليب -

1خميرة الحلوة

ملح

خميرة الخبز حسب لجو

ماء دافي - لفاني - معلقة كبيرة حليب غبرة

معلقة صغيرة خل

للحشوة :

120 غرام زبدة عادية أو منكرين خاصة بالتوريق+2 معالق كبار زيت

الشكلاط أولفرماج أو...

أنا استعملت لكريم باتسييرمني طاب +عليه قطعة متوسطة من الشكلا ط لي فيه نسبة عالية من لكاكاو كيجي لذيذ مثل نوتيلا

أهاد لكريمة خاصها تبرد كتجمع يعني ممكن نهزوها بالأ صابع ونضعها فوق لعجين

الطريقة:

نأخد الحليب أندفيوه ونزيدوليه الزبدة ونحركها فيه حثى دوب

نضع حفرة وسط طحين نضيف جميع المقادير ونخلط

الماء حسب العجين خاصها تكون خفيفة كتلسق في اليد ندلكوها نتركها تخمر

ثم نقطعها على 4 كريصات

ندوب المنكرين أنخلطها مع زيت و

نأخد كل كرصة ونسرحها بشوية طحين على شكل دائري

نأخد مقدار من زبدة مع زيت وندهن به وجه العجين

ثم نسرح التانية وندهنها بخليط زبدة وزيت كذلك لكرصة الثالثة ...

أماالرابعة مكندهنوهاش

نتركهم يرتاحو5 دقائق ونسرحهم بشكل دائري كبير

ثم نقطعهم مثل لبيتزا أنضرو للصور كيكونو مثلثات كباركتعطينا 8 لقطع

نأخد كل قطعة نضع فيها لكريمة في لجهة لعريضة على طولها ونلووها مثل كرواصة كبيرة وهكذا لباقي لقطع

ثم نأخد كل قطعة نقسمها على 2

نأ خد مول دائري متوسط لحجم ندهنوه ونفرش فيه لبابيي كويسون

ثم نضع كل قطعة في لمول لجهة لعريضة كتكون منها لمول وهكذا حثى نكمل الدائرة ونضع قطعة في لوسط واقفة ونضغت عليها شوية

نغطيوهم نخليهم إخمرونشعلو لفران200 درجة

من بعد ندهنوهم ببيضة مطربة ممكن نرش على كل قطعة اللوز مهرمش أوزنجلان أو...

ندخلهم الفرن اكون مشعول لفوق او لتْحت و الطّاوا تكون في الأسفل حثي يتحمرو و نخرجهم ندهنهم

بالناباج أو لمربى

قبل مندهنوهم نزولوها من المول مكتكونش لاسقة بسهولة كتزول وندهنها

بالصحة والراحة