جديد البيتزا على شكل شمس

السلام عليكم موقع ماماتي عالم المغربية والعربية بامتياز

يقترح عليكم جديد البيتزا على شكل شمس

جديد البيتزا على شكل شمس

للأخت نجاة من أكادير الله ايجازيها بالخير

نحتاج:

كاس لعنبة حليب - كاس ماء دافي

بيضة.ملح.معلقة صغيرة سكار

نصف كاس مخلط بين زبدة مدوبة وزيت

مقدار من خميرة لخبز حسب لجو.1 خيرة لحلوة

شوية زعتر.شوية الثومة بودر

طحين حسب لخليط

لتحضير لصوص ديال لبيتزا:

نأخد إناء ونقطع فيه 4 أو5 ماطيشات مقطعين بقشورهم +نصف بصلة مقطعة +2 أوراق موسى+ملح +بزار+شوية زعتر+شوية زيت بلدية +ملح +4 ضروس الثومة نضع لكل فوق النار ونقلبو مرة مرة ونغطو عليه من بعد +معلقة كبيرة ماطيشة لحك +نصف معلقة صغيرة ساندة نحرك لكل حثى طيب ونطحنها بالطحانة ليدوية نضعها جانبا

الطريقة:

نأخد إناء نضع فيه جميع لمقادير إلا طحين نخلطهم بالطراب ليدوي من بعد +طحين مغربل حثى تجمع كتكون رطبة بزاف (مكندلكوهاش)نتركها تخمر

أنا كنوجدها في ليل كنخليها في نفس لإناء كنغطيها بسولوفان كنحطها في الثلاجة حثى لغد كنخرجها بنصف ساعة أكنستعملها

نحضر لفلفلة خضرة ممكن نديرو وحدة حمرة كتكون لفلفلة خضرة هية لي غالبة

ممكن تستعملو لكفتة أودجاج أولكاشير أوالطون حسب لمتوفر لكم.أنا ستعملت لكفتة.نأخد مقلة نضع فيها شوية زيت وبصلة كبيرة ونقطعها مربعات أو ... ونشحرها مع لملح ولبزار .من بعد نخلطها مع لصوص طوماط

نحك لفرماج نضعه جانبا نصلق 3 لبيضات نقطعهم دوائر.ممكن شوية الزيتون أسود نقطعوه دوائر.

نأخد الطاوة ديال لفران الدائرية ندهنها بالزيت ونرشها بشوية سميدة .

نأخد مقدار من لعجينة ونسرحها مزيان ثم نأخد إناء دائري نضعه وسط لعجينة مثل الصورة 

ثم نتقبها نضع مقدار من لصوص طوماط في لجوانب ثم باقي لمقادير إلا لفرماج

ثم نزول لإناء من فوق لعجين نقطعهم من لوسط مثل الصورة...

نأخد أي نوع من لفرماج لمثلث أو كيري نقسموكل واحدة على2 نضع كل قطعة فوق لعجين

نقلب عليه بالمثلث ديال لعجين.هكذا...

ممكن باقي لعجينة تشكليها كما تحبين وتوضعيهم في لوسط أو تخليه فارغ حثى طيب وتوضعي فيه إناء مشكل من شلاظة كيبقى حسب الرغبة 

ممكن باقي لعجينة تسرحها وتسرحي فوقها جميع لمقادير بالترتيب وتلويها مثل شنيك من بعد تقطعيها بالخيط لغدائي .حينت إلى قطعتيها بالموس كتعدبك ممكن دخليها شوية لمجمد وتقطعيها .ودخليهم لفران وسقيهم شوية بالزيت لبلدية كيبقى ختياري.

نرجعو لطاوة ديالنا كندهنو لمثلثات ببيضة مطربة نرش على كل مثلث بالزنجلان أو لبافو...

ونضع دوائر لبيض في لجوانب لفارغة ونسقيهاقبل ذلك بشوية زيت لبلدية مع زعثر ندخلها لفرن سخون من قبل200 درجة مني طيب نرش لفرماج نرجعها دقيقة للفرن باش إيدوب لفرماج ...

وبالصحة

شاركه

مواضيع مختارة من موقع ماماتي عالم المرأة المغربية والعربية بامتياز