السلام عليكم موقع ماماتي عالم المرأة المغربية والعربية بامتياز
يقترح عليكم جديد المملحات 2016 ثلاث أشكال مختلفة
جديد المملحات 2016 ثلاث أشكال مختلفة
للأخت أم ايمان وأسامة الله ايجازيها بالخير
بريوات الدجاج بالشعرية الصينية و البيشاميل
400 غ هبرة الدجاج + 1 بصلة متوسطة+ ثوم غبرة + زيت + م ك زبدة + إبزار + سكنجبير + م ك صويا صوص + م ص الحار + م ك زنجلان محمر ومطحون+ بيشاميل ثقيل حسب الحاجة + الشعرية الصينية + ورقة البسطيلة + شبلوغ
الطريقة :
في مقلاة على النار نشحر البصلة فشوية زيت والزبدة حتى يرجع لونها شفاف ثم نضيف الثوم العطرية والصويا صوص و الحار و م ك عامرة زنجلان محمر ومطحون نضيف الشعرية الصينية على الخليط الكمية المضافة حسب الرغبة ونجمع الخليط بشوية البيشاميل ثقيل القياس لي يجمع الخليط نعمر البريوات بالطريقة العادية ندوزهم فالبيض والشابلوغ ونقليهم وممكن نقليهم بلا شبلوغ كيبقا الإختيار ليكم
الكريب بالكفتة وفروماج السندويتش
الكريب :
500 مل ماء + 3 بيضات + 250 غ دقيق +م ك زيت +ملح +رشة إبزار إختيارية
الطريقة :
في الخلاط الكهربائي نضع كل المقادير من غير الدقيق نخلط مزيان ثم نبدا نضيف الدقيق شوية بشوية والخلاط خدام ونطيب الكريب عادي بلا ما نحمرو لأنه باقي يتقلا
للحشو :
300 غ كفتة + زيت + بصلة كبيرة + ملح + إبزار + سكنجبير + شمبنيون + صلصة البيشاميل ثقيلة
فروماج أحمر + فروماج السندويتش
الطريقة :
في مقلاة على النار نشحر البصلة فالزيت حتى يرجع لونها شفاف نضيف الملح والعطرية ونحرك شوية ونضيف الكفتة وطبعا نفرتتها ثم نضيف الشمبنيون والبيشاميل ثقيلة القياس لي يجمع الكفتة مزيان
المونطاج : نفرش الكريب ونزل فوقو مستطيل من فروماج السندويتش يعني نصف المربع ونعمل فوقو الحشوة ونلوي الكريب على شكل قنينطات ندوزهم فالبيض والشابلوغ ويتقلاو فزيت سخون مزياااااان إدا كان الزيت ماشي سخون غادي يتطرطق الكريب ويخرج الفروماج
كويسات التون بنكهة البيتزا
العجين المورق
2 علب تون بصلصة الطماطم + 1 بصلة مشحرة في شوية الزبدة + زيتون أسود + فروماج أحمر + زعتر
نخلط جميع المقادير من غير الفروماج والزعتر
المونطاج :
نطلق العجين المورق ونقطع مربعات نلبسهم للمول ميني كاب كيك
نعمل الحشوة في وسط المربع ونضيف الفروماج والزعتر وندخلهم لفرن مسخن مسبقا على 200 درجة حتى يتورقو مزيان ونقص ل 180 نخليهم يطيبو مزيان حتى يتحمرو
بالصحة والراحة
لاتنسوني من صالح الدعاء ولكم بالمثل بحول الله
0 التعليقات :
إرسال تعليق