السفة بالمروزية بتقديم عصري في المول العجيب

السلام عليكم موقع ماماتي عالم المرأة المغربية والعربية بامتياز 

يقترح عليكم السفة بالمروزية بتقديم عصري في المول العجيب

السفة بالمروزية بتقديم عصري في المول العجيب

للأخت نجاة من أكادير الله ايجازيها بالخير

المروزية طبق رئيسي تقليدي مغربي معروف ويقدم في المناسبات والأفراح أو في لمة عائلية 

يتميز بحلاوته فهو يحضر باللحم والزبيب ...واللوز

اليوم حبينا أن نقدمه مع السفة كطبق عصري في المول العجيب

مقادير وطريقة تحضير السفة بالمروزية بتقديم عصري في المول العجيب

نأخد قطع من اللحم الغنمي 3 أو4 كيلو نحضر هذه الكمية لشي عراضة .ممكن ننقص كمية اللحم على حسب أفراد الأسرة .نضعها في إناء للطبخ نصب كاس الماء نضع الملح +البزارمعلقة صغيرة+سكين جبير+معلقة كبيرة عطرية لمروزية +2 ضامات زعفران لحر+معلقة كبيرة الثومة محكوكة نصف معلقة هيل مطحون(قعقلة).معلقة صغيرة قرفة .نشرمل لكل مع اللحم نصع الطنجر ة فوق النا ر .+2 بصلات مقطعين رقاق إيكونو كبار.+لماء لكافي +2 معالق كبار زبدة +كاس صغير زيت +معلقة صغيرة سمن.نغطي لكل نتركهم إيطيبو .عند مرور نصف ساعة +3 معالق كبار ساندة مع معلقة كبيرة لعسل +شوية زعفران لحرن نقلب اللحم نترك لكل إيطيبو

ثم نحضر السفة:

نأخد نصف كيلو لكسكسو رقيقة +2 معالق زيت نخلطهم مع لكسكسوثم +له كاس لماء نخلط لكل حثي تشرب .نضعه في لكسكاس إفور.نتركها تفو ر مزيان .ثم نصبها في لقصعة نرشها بالحليب مع لملح ولماء نخلط مزيان نرجعه إفورولكن إكون شرب لماء ديالو.نترك إفور مرة تانية...نصبه في لقصرية +معلقة كبيرة زبدة ونخلط ثم+لحليب خضر مع لماء نرشه مزيان قلبوه مرة مرة نتركه في لقصرية يتشرب من بعد+له 2 أو3 معالق كبار السكار ساندة مع عويدات لقرفة حينت من بعد غدي نزولهم

نترك لفورة الثالثة حثى نكنو طيبنا اللحم

نرجع للحم نقلبوه إلى طاب نزولوه نضعه في لبلا ديال لفران نغطوه نتركه حثى تنشف الدغميرة وتعسل نصبها على اللحم ندخلها لفرن منقوص نقلب اللحم مرة مرةحثي يصبح اللون محمرنطفو لفرن نغطو عليه

نأخد مقدار من لبرقوق ولمشماش نضعهم في إناء مع مقدار من الماء +شوية السكار +عواد قرفة+معلقة كبيرة من زبدة نتركهم حثى يتعسلو .نخلوهم يبردو نقطعهم ونخلطهم مع لكسكس في وقت التقديم مع شوية اللوزمحمر ومهرمش.

نرجع للكسكس نفوروه لمرة الثالثة نصبه في إناء+له قطعة من زبدة نحل بها لكسكس من بعد+لبرقوق مقطع ولمشماش وشوية اللوز وزبيب معسل نخلط لكل

عند التقديم .نأخد المول العجيب لمحفر في لجوانب .ونأخد لكسكس سخون ونعمروه في لجوانب الدائرية ديالو ونضغط قليل على الكسكس نكونو داهنين المول من قبل 

نأخد إناء التقديم ونضعه على وجه المول ونقلبو ثم نضع قطع اللحم في لوسط نزينه حسب الرغبة .ممكن تعويض لكسكس بالروز

بالصحة والراحة

شاركه

مواضيع مختارة من موقع ماماتي عالم المرأة المغربية والعربية بامتياز