السلام عليكم موقع ماماتي عالم المرأة المغربية والعربية بامتياز
يقترح عليكم طورطة بمداق القهوة للمناسبات والعراضات
طورطة بمداق القهوة للمناسبات والعراضات
للأخت أريج الورود الله ايجازيها بالخير
نحتاج الى:
جوج ديال الجينواز
وطريقة تحضيرها على الشكل التالي:
ساشي فاني من الأحسن
3 بيضات
ونصف كأس سكر نصف كاس زيت
وگأس دقيق وخمارة واحدة وفاني أو حامضة محكوكة
وصينية الفرن تدهن بالزيت ثم نعملو ورق الطبخ ونكبوا الخليط
وإلى الفرن أنا نديرلها 7 دقائق تكون واجدة على حسب الفرن ديالي
كاين اللي كتجلس حتى 10 دقائق
لما يطيبو نخليوهم يبردو شوية ونقطعوهم بإطار سواء مربع أودائري أو أي شكل تريدونه
طلعو لاكريم إما كريم فريش أو كريم غبرة بودرة...اللي بغا يلونها يعمل ملون أنا بغيتها طبيعية
ونحضرو سيرو ديال القهوة نعملو كاس سكر مع كاس ماء ونخليوه فوق نار مهيلة بلا تحراك حتى يولي سيرو نضيفو ليه ساشية ديال نسكافيه مذوبة في نصف كأس ماء وغي تغلي نحايدوه خاصنا نخليو السيرو خفيف ما يكونش ثقيل
لما نقطعو الجنواز غادي تكون عندنا جوج مربعات والجوانب نعملو بيها مربع آخر وبذلك تكون عندنا 3 طبقات
نحطو الإطار في طبسيل التقديم
نعملو قدامنا السيرو والكريمة شانتيي والجنواز
نبداو نحطو المربع الأول ونرشوه بالسيرو
ناخدو جزء من الكريمة نعملوها فوق الجنواز
نزيدو الطبقة الثانية ونعملو نفس الشيء
الطبقة الثالثة
نعملو جنواز نسقيوها بالسيرو مزيان نزيدو لاكريم ونفرتو عليها مكسرات اللي عندك أنا كان عندي شوية جوز فرتتو ومن بعد تعملي فلان بالقهوة فيه فلان عندي عادي كأس عنبة من الماء وساشي قهوة سريعة الذوبان وملعقة كبيرة سنيدة وتخليه شوية يبرد عاد تحطيه فوق الكريمة ودخليه للثلاجة يبرد
في الأخير نعملو طبقة حلى المرايا...ملعقة صغيرة ونصف قهوة سريعة الذوبان وربع لتر ماء وفلان شكلاط وجوج معالق سكر نخليوه يبرد شوية ثم نكبوه فوق فلان القهوة
زينتها بشريط في الوسط من الكريمة حاولت نعمل بحال بابيون ومع الجوانب وريدات بالكريمة
وعملت من الشكلاط الأبيض ديكورات زينت بيها ....هي فقط شكلاط ذوبيها وعمليها في بوش صغيرة وبداي ترسمي فوق طبعا بابيي كويسون وخليها تبرد من بعد زوليها وزيني بيها لاطارط ديالك....واللي بقا لي منها درتو مع الجوانب ...
وبالصحة والراحة
0 التعليقات :
إرسال تعليق