دجاجة منسمة بالأعشاب في الفرن

السلام عليكم موقع ماماتي عالم المرأة المغربية والعربية بامتياز

يقترح عليكم دجاجة منسمة بالأعشاب في الفرن

دجاجة منسمة بالأعشاب في الفرن

لأختنا أريج الورود الله ايجازيها بالخير

دجاجة في الفرن بالأعشاب وبطاطا وبنيي ديال البصلة كتشهي

دجاجة بالأعشاب المنسمة في الفرن مع صلصة رائعة وبطاطا مشوية في الفرن وبصل

....الطريقة...

نأخذ دجاجة نصايبوها ونعملوها في الخل أو الحامض والملح ليلة كاملة ...اليوم الموالي نغسلها مزيان ونخليها تستقطر...نعمل الخلطة باش نشرملها...نأخذ شوية زبدة تكون على رطبة وربع ملعقة صغيرة موتارد وملح ولبزار وأعشاب منسمة أنا عملت شوية فليوشوية زعتر شوية أزير وشوية زعيترة حكيتهم بين يدي وشوية خرقوم وشوية ماء وخلطت مزيان التوابل مع الزبدة والأعشاب ثم شرملت بيهم الدجاجة من الداخل والخارج...

وعملتها في صني مدهون بالزبدة وصيفتها للفران ديال برا... البطاطا قشرتها من بعد ما غسلتهامزيان وقطعتها بحال فريت ولكن شوية غليظة...عملتها في صينية الفرن زدت عليهاجوج معالق كبار زيت الزيتون وملح لبزار وأعشاب منسمة زعتر أو أزير....وفص ثومة محكوكة ونخلطو مزيان ونعملوها في الفرن

يلا بغيتو تطيب بسرعة عملو عليها بابيي أليمينيوم..وحتى طيب حايدوه باش تتحمر .. الصلصة قطعت بصلة قطع صغيرة عملتها فوق النار مع شوية زيت وملح وخليتها تطيب على نار مهيلة لما طابت زدت عليها شوية لاكريم فريش للإشارة اللي ما عندوش لاكريم فريش يمكن لو يعوضها بالبيشاميل ...ومن بعد يطحنها في الخلاط باش البصلة ما تبقاش تبان...وزدت شوية خرقوم ولبزار ..وهاهي الصلصة المرافقة واجدة...

وعملت بيني ديال البصل تاخذي بصلة وتقطعيها دوائر طبعا من بعد ما تنقيها وعملي بيضة وشوية ملح لبزار ونسميها بالأعشاب وزيدي شوية ماء ودقيق حتى تحصلي على عجينة شوية قاسحة على عجينة البغرير...حطي دوائر البصل في هذا الخليط وقليها في زيت سخون ...أنا عملت في نفس الخليط فلفل كان عندي قطعتو شرائح طويلة وعملتلو بحال البصلة.... وفي الأخير حطيت الدجاجة في الوسط وعملت لاصوص في الجوانب والبطاطا لفوق مع الجوانب والفلفل والبصل عملت دوائر منو هنا وهناك .. والدجاجة زينتها بوريدات من لفروماج والكاشير حطيتهوم فوقها ...